| ПАЛАЖЭННЕ АБ ГУЛЬНІ І ЯЕ ПРАВІЛЫ | РЭКАМЕНДАЦЫІ ЎДЗЕЛЬНІКАМ | БЯГУЧАЯ ГУЛЬНЯ | АРХІЎ ГУЛЬНЯЎ |

[РУС] [ENG]| > Галоўная - заданні для вучняў 8-9-х класаў

ЗАДАННІ ГУЛЬНІ ВЕСНАВОЙ СЭСІІ 2007 ГОДА

- для шукальнікаў Беларусі - вучняў 5-7 класаў
- для сеціўных гідаў-пачаткоўцаў – вучняў 8-9-х класаў
- для маладых мысляроў – школьнікаў 10-11-х класаў і студэнтаў

НАВІНЫ

Шаноўныя сябры, паведамляем, што 19 красавіка 2007 года з 12.00 да 15.00 Мінск (11.00-14.00, Польшча, Прыбалтыка, Чэхія; 13.00-16.00, Масква) Філасофскі маладзёвы клуб WWLI-ЕГУ, школьная адукацыйная сетка iEARN-Belarus (International Education and Resource Network in Belarus) і Маладзёвы адукацыйны клуб „NEWLINE“ ладзяць штогадовую веснавую сэсію інтэрактыўнай Інтэрнэт-гульні “НАША Беларусь”!
Паяднаўшы свае намаганьні і веды, удзельнікі гульні змогуць адшукаць свае адметныя рысы Беларусі – адной з часцінак адзінай еўрапейскай сям’і і беларусаў – унікальных прадстаўнікоў сваёй культуры ў святле глабальнай грамадзянскасці.
Пераможцы гульні атрымаюць права прадстаўляць сваё бачанне беларусаў і Беларусі падчас працы Міжнароднага фэста «JOY OF EUROPE (Радасць з Еўропы)”, які адбудзецца ў Белградзе з 1 па 6 кастрычніка 2007 года пры з удзелам iEARN Serbia.

Далей..

АРГАНІЗАТАРЫ І ПАРТНЁРЫ

- iEARN-Беларусь
- YIEC "NEWLINE"
- Філасофскі маладзёвы клуб WWLI-ЕГУ
- Праект "THINK ACT MDGs"
- Беларускі клуб выпускнікоў ФІО
- Праграма пашырэння доступу да глабальнай
сеткі і Інтэрнэт-навучання

Грамадскае аб'яднанне «Абнаўленне гуманітарнай адукацыі»
Маладзёвы адукацыйны клуб „NEWLINE“
Філасофскі маладзёвы клуб WWLI-ЕГУ

ІНТЭРАКТЫЎНАЯ ІНТЭРНЭТ-ГУЛЬНЯ “НАША Беларусь”
“OUR Belarus” INTERNET-GAME
19 красавіка 2007 года з 12.00 да 15.00, Мінск

ЗАДАННІ ГУЛЬНІ
для сеціўных гідаў-пачаткоўцаў – вучняў 8-9-х класаў

З кожным годам у Рэспубліку Беларусь прыязджае ўсё больш турыстаў. Напрыклад, акурат у гэтыя дні сябры адукацыйнай суполкі iEARN-Belarus (www.iear4u.com) прымаюць гасцей – вучняў і педагогаў з Lehigh High School Center Valley (Pennsylvania, USA). Калі ласка, дапамажыце сваім амерыканскім аднагодкам лепш пазнаёміцца з НАШАЙ Беларуссю: зрабіце ім вандроўку па сваім родным мясцінам, беларускай гісторыі і культуры так, каб ім зноўку захацелася прыехаць сюды яшчэ.
Уважліва прачытайце ўсе пытанні гульні і абярыце тыя, якія найбольш поўна дапамогуць Вам стаць паспяховым гідам. Робячы выбар, памятайце, што камандны ўдзел у гульні прадугледжвае наяўнасць як мінімум 3 завершаных адказаў на 3 пытанні (індывідуальны – не менш аднаго).
Сфармулюйце адказы на абраныя пытанні, выкарыстоўваючы любыя даступныя для Вас крыніцы інфармацыі.

1. Прадстаўце, калі ласка, адметныя мясціны свайго горада, пасёлка, альбо вёскі, якія Вы раілі б наведаць нашым амерыканскім сябрам у вольны час. Падкажыце, калі ласка, як яны могуць даведацца пра іх у сеціве Інтэрнэт?

2. У якіх казках, легендах, паданнях найболш выразна прадстаўлены беларускі характар? Аргументуйце, калі ласка, свае версіі.

3. Абапіраючыся на творы беларускай літаратуры, назавіце 5 самых смачных страваў беларускай кухні. Дапоўніце свой адказ рэцэптамі прыгатавання гэтых страваў, а таксама спасылкамі на літаратурныя крыніцы і Web-ресурсы.

4. У якіх установах Беларусі можа працягнуць сваё навучанне выпускнік базавай школы? Якімі якасцямі будзе валодаць выпускнік кожнай з гэтых устаноў адукацыі? Падумайце, як гэтыя якасці могуць спрыяць паспяховасці маладога чалавека ў сучасным глабальным свеце.

5. Хто з беларусаў можа быць названы грамадзянінам свету? Аргументуйце Ваш адказ і дадайце спасылкі на яго крыніцы.

6. Калі ласка, узгадайце не менш за 7-м прычынаў, якія дазваляюць нам ганарыцца НАШАЙ Беларуссю. Чаму Вы абралі менавіта гэтыя прычыны?

Калі ласка, не забудзьце падпісаць свае варыянты выкананых заданняў гульні. Пазначце:
- імя каманды, Вашу школу альбо арганізацыю;
- імёны, клас і ўзрост усіх удзельнікаў Вашай каманды;
- імёны педагогаў і ўсіх дарослых і сяброў, якія былі Вашымі памочнікамі падчас гульні.

УВАГА: калі ласка, не забудзьце, што свае адказы вам неабходна адправіць сёння да 15.00 на ЎСЕ пазначаныя тут адрасы адначасна: newlineclub@gmail.com, yiecnewline@tut.by, yiecnewline@gmail.com (прост скапіруйце іх у радок электроннага ліста «каму»).
Спадзяемся, што наша супрацоўніцтва было для Вас плённым, і мы зможам працягнуць яго ў Інтэрнэт-дыскусіі “Свет, у якім мы жывем” (http://wwli.iatp.by. Для ўдзелу, калі ласка, дашліце заяўку на адрас yiecnewline@gmail.com), і падчас майстар-класа “Я, сусвет, Беларусь” (арыентыровачна – 28 красавіка 2007 года) на базе Цэнтра падтрымкі школ – удзельніц інтэрнэт-праектаў (ГУА “Юрыдычная гімназія № 42 г. Мінска”).

Дзякуй за Ваш удзел у гульні.

Аргкамітэт Нацыянальнай Інтэрнэт-гульні “НАША Беларусь”